Mate Kowheori

 Tēnā koutou katoa

Kua tae mātou ki te whakakapinga o te wiki tuarua nei, ā, kua reri ngētehi o mātou ki te hoki ki te kura. Ahakoa ngā hua pai o te noho rāhui ki te kāinga, kotahi te tōmina nui a ngā tamariki; ki te tākaro tahi ki ō rātou hoa kanohi-ki-te-kanohi. Ka kite ai rātou i a rātou anō i ngā hui ataata, engari kārekau he rerekē te kite-ā-matihiko i te kite-ā-tinana.

Ka aroha ahau ki ngā ākonga i Tāmaki Makaurau, ā, ka tuku whakaaro mātou ki a rātou e noho rāhui tonu ana.

Hei whakakapinga i tēnei

whakairinga poto, ka tuku wero ahau ki āku ākonga. I te wā ka hoki mātou ki te kura, waihangatia tētehi hotaka mō te rā ka hoki atu mātou.

Noho ora mai i raro i ngā tauwhirotanga o te Runga Rawa.

                                                       

Ko te whakakapinga o te wāhanga tuatoru

Tēnā koutou katoa

Kua mutu te wāhanga tuatoru o te tau nei, ā, ka anga whakamua mātou ki te wāhanga whakamutunga.

 Ia wāhanga tuawhā, ka tū ai te whakaari matua o te kura. Ko te kaupapa matua o te whakaari i te tau nei, ko Tamainupō. 

Ka whatu ai mātou i te mahi whakaari, te waiata, te waiata-ā-ringa, te pao me te kanikani hei whakaatu i te kaupapa o Tamainupō. Tārewa ake te wā, ka kite ai koutou i ngā whakairinga a ngā tamariki e hāpai ana, e whakatairanga ana i te kaupapa nui whakaharahara nei.

Powtoons

Tēnā koutou katoa Hei te wiki nei, i toro atu ngā tamariki ki tētehi taupānga / hōtaka hou, arā, ko Powtoons tērā. He mahi rerekē tēnei ki te hanga tāoreore, ā, i ako ai rātou ka pēwhea te tūhono i te kitenga (sight), te oro (sound) me te nekehanga (motion).

Pick-a-path Ata Kūkara

Tēnā koutou katoa 

Hei tēnei wiki, he hiahia nōku ki te whakaatu i tētehi tauira Pick-a-path i oti i a Mackenzie. I ahau e whakarite ana i taku Pick-a-path tuatahi, he mahi nui tērā. Ehake tēnei ngohe i te ngohe māmā. Nō reira, me mihi ka tika ki a Mackenzie rātou ko ngā ākonga i akongia ngēnei pūkenga i te wā o te noho rāhui.

 

Pae Mataara 2 - Kua Hoki Mātou ki te Kura

Tēnā koutou katoa 

I tēnei wā i te tau 2020, he ringa raupā ahau mō taku iwi. Heoi anō, koia nei te wā tuatahi i whakaako ahau i aku ākonga ā-matihiko nei. E toru ngā wiki i noho rāhui ai mātou ki ō mātou kāinga. He wheako hou te whakaako ā-matihiko, ā, nōku te maringanui ki te ako i ngā pūkenga hei whakaako-ā-matihiko i Te Kura Amorangi o Whakawātea. Anei tētehi ngohe i whakaritea e ngētehi ākonga i te wā o te noho rāhui. I whakaako ngēnei ākonga i te kura katoa i te wā i hoki atu mātou katoa ki te kura. Nei te mihi uruhau ki a Riley rātou ko Thando, ko Clayton. E pēwhea ana te noho rāhui ki tō kāinga?

Source: Riley rāua ko Thando

  

 

He Ngohe Pick-a-path

 Tēnā koutou katoa

I tēnei wiki, i ako ngā ākonga ki te waihanga i tētehi ngohe e kiia nei ko te 'Pick-a-path.' Anei ngā hua o taua akoranga:

Nā Mackenzie

Nā Kaliya

Nā Te Huia

Ka Ngangaro Ngā Kēmu Matihiko

Tēnā koutou katoa 

I tēnei wiki o te noho rāhui ki tō mātou kāinga, i toro atu tō mātou akomanga ki ngā kēmu matihiko. Te nui hoki o ngā kēmu matihiko i runga i te ipurangi. Ko tētehi o ngā kēmu e ngākaunui ana ki ahau ko te kēmu Pac Man. I ohorere pai ahau ki te kite i tēnei kēmu. Ko tēwhea te kēmu matihiko pai rawa atu ki a koe?

Source: PAC-MAN™ & ©1980 BANDAI NAMCO Entertainment Inc.

Lockdown - Te Rā Tuawaru, 2021

Tēnā koutou katoa

Ahakoa e noho ana tātou ki tō tātou kāinga i tēnei wā, kei te haere tonu ngā mahi o te kura.  I tēnei rangi, i tū ai tō mātou hui ataata Kūkara tuarima, ā, e rua ngā ngohe e oti ai i ngā ākonga: ko te kimi kupu tētehi, ko te ngohe āputa tētehi.

Anei te ngohe āputa o Te Haeata: 

He pēwhea aku whakaaro mō ngā hui ataata Kūkara kua tū mō tōku akomanga?

He miharo ngā hui ataata Kūkara i te mea he rawe te kite atu i ngā ākonga e ako tonu ana i tō rātou kāinga.

Source: Te Haeata

Lockdown 2021

 Tēnā koutou katoa

Kāre i roa ka hoki atu tātou katoa ki te taumata 4 mō te noho ki te kāinga, arā, ko te lockdown tērā. I a tātou e whakareri ana mō te noho ki te kāinga, kua tuhia tētehi pānui ki ngā ākonga i runga i tō mātou paenga Kūkara.

Nō tātou katoa te whiwhi i te mea e āhei ana ngā ākonga ki te ako tonu i te kāinga. Heoi anō rā, he inoi tēnei kia tiaki tātou i a tātou anō.

Mauriora ki a tātou.

Ko te Wiki Tuatoru o te Wāhanga nei

 Tēnā koutou katoa

Hei te wiki nei, i whakapakari haere ngā tamariki ki te tautohe i ngā kaupapa rerekē rawa atu. I te nuinga o te wā, i eke panuku ngā kōtiro, engari i te Rāpare he ōrite ngā tīma e rua nā te pai o ngā kōrero o ngā tīma e rua.  Ko te kaupapa tautohetohe e whēnei ana: He pai ake ngā tama i ngā kōtiro ki te tākaro hākinakina. Kātahi te tautohetohe pai ko tērā!

I te tīmatatanga o te wāhanga nei, i pātai ahau ki ahau anō, "I mārama ngēnei tamariki ki te puūtake o te tautohetohe? I taua wā, kīhai rātou i te mōhio ki te pūtake, engari, kua mōhio kē rātou ināīanei. Ka wani kē koutou ngā ākonga i tū ki te tautohetohe!

Source: Pinterest NZ

Te Wiki Tuarua o te Wāhanga Tuatoru ki Whakawātea

 Tēna koutou katoa

I ahatia e mātou i te wiki nei?

Hei te wiki nei , i tīmata ai ngā ākonga ki te ruku i te puna o te mātauranga e pā ana ki te mana whenua o Ngāti Māhanga. I waia ngā ākonga ki te whakamahi i ngā Ata Kūkara, heoi anō, i whēnei te āhua o te Ata Kūkara.

I ako ai rātou i tētehi pepeha nō Ngāti Māhanga, ā, e ako tonu ana rātou ki te whakamahi i te taupānga Māhere Kūkara.

Hei ngā wiki e tū mai ana ka ngana ngā ākonga ki te whakawhānui i ō rātou mātauranga e pā ana ki Ngāti Māhanga. Nō reira, hokihoki mai ki konei kia kite ai koe i ngā mahi o ngā ākonga.

Footsteps Kanikani

 Tēnā koutou katoa

I tēnei wā tonu kei te whakaatu ahau i ōku whakaaro mō te Footsteps kanikani i mahi ai mātou inanahi rā.

Kua tāpiria e au tētehi whakaahua e pā ana ki te kamupene Footsteps.

He aha ōku whakaaro mō te kanikani tuatahi i ako ai mātou?

Ki ahau nei, he pai ngā mahi i mahia engari he āhua māmā te kanikani i ako ai mātou.

Source: Footsteps Dance Company, Australia

Haere rā ki te wāhanga tuarua o te tau nei

 Tēnā koutou katoa

Hei whakakapi ake i te wāhanga tuarua nei, ka tuku mihi ki ngā ākonga o Whakaute. Kua tae te wā kia whakangā te tinana me te hinengaro, ā, ko te manako nui, kia hari, kia āio, kia pārekareka ngā rangi okioki nei.

Wekeneru Te Haeata!

Tirohia ngā hua o te mahi tāoreore a Te Haeata. Ka mau te wehi e kō!

 

Kei a tātou katoa ngā Rangitaki!

Tēnā koutou katoa

Nō tātou nei te whiwhi i te mea kua whakaritea e Whaea Maria ngā Rangitaki! Tārewa ake te wā, ka kite ai te ao katoa i ngā Rāngitaki a ngā ākonga.

Karawhiua tamariki mā!

Nā Whaea Brenda

Whakanuia te tau hou Māori

 Tēnā tātou katoa

Hei whakanui i te tau hou Māori, i whakamau kākahu rerekē ā mātou ākonga i te Rāmere kua hipa atu nei. Nōku te whiwhi i te mea i tae mai a Hare Pota, a Spongebob Tarau Porowhā me tētehi ariki nō Kirihi.

Hīti Kūkara

 Tēnā tātou katoa

I tēnei wiki, i oti i ngā ākonga tētehi kauwhata i roto i te Hīti Kūkara. I tumeke pai rātou ki te waihanga i tā rātou kauwhata pou tuatahi, ā, he māmā hoki te waihanga.

Tirohia ngā kauwhata ki raro nei.  Ko te aronga nui o te waihanga kauwhata nei, kia mōhio ai rātou me he tangata whatiwhati kō a ia, me kaha rānei a ia ki te ū ki te mahi.

Kua takoto te mānuka. Kia kaha tonu koutou ki te ako!

He Tānga Kūkara

Ka mau te wehi o ngā ākonga nei. Anei anō tētehi tauira o te Tānga Kūkara e ai ki a Kaliya. Ka ngangaro koe!

 

Tānga Kūkara

 Tēnā koutou katoa

Nōku te hōnore ki te tuku i tēnei Tānga Kūkara a Thando. E ako ana ngā ākonga ki te hanga pikitia e pā ana ki tō rātou whakaahua.  Anei te hua o te mahi nei.

Tānga Kūkara

Tēnā tātou katoa 

I toro atu mātou ki te taupānga Tānga Kūkara hei tā i tētehi tangata hukapapa. Koianei te wā tuatahi i tā pikitia ngā ākonga mā te whakamahi i ngā āhua. 

Tirohia ngā pikitia o ngēnei ākonga:

    

Ko Te Taupānga Screencastify

 Tēnā koutou e te marea

E ako ana ngā ākonga o Whakaute ki te waihanga i tētehi tūmomo kiriata e kiia nei, ko te Screencastify.   Tārewa ake te wā ka tāpiria ngā kiriata o ngā ākonga kia kite ai koe i ā rātou pukenga ki tēnei taupānga.

He wero!

Tēnā koutou te pae ākonga

Anei tētehi wero hei mahi mā koutou. Pāwhiria te honongaitua (hyperlink), pāwhiria rānei i te pikitia ki raro iho nei.

KARAWHIUA!

 Google Fish Challenge

Ngā Tāoreore

 Nā Mackenzie tēnei tāoreore.  Ka mau te wehi e kō!

Nā Riley  tēnei tāoreore.  Kei runga noa atu koe e kō!